【對聯】處亂世，求寧靜，思聯趣。
出句：竹葉敲窗箋映翠 【任文月】
對句：梅花倚案韻留香 【令狐少俠】
出句：一徑黃花羞百色 【任文月】
對句：半窗青竹勝千嬌 【令狐少俠】
出句：陋室唯餘青竹在 【淡烟疏柳】
對句：幽窗喜見白梅斜 【令狐少俠】
出句：水天一色漁家傲 【大观】
對句：人月雙圓錦帳春 【令狐少俠】
出句：水天一色漁家傲 【大观】
對句：風露中宵玉漏遲 【令狐少俠】
出句：書翻到薄味尤厚 【难得糊涂】
對句：文必推陳意始新 【令狐少俠】
風雨飄搖，群魔亂舞。處亂世，何可為？生活依然要繼續，唯「莊敬自強，處變不驚」而已耳。
近日，煩瑣多，心緒亂。求寧靜，思聯趣。文思縱滯，禿筆未廢，聊對數句遣興。
令狐少俠
10/11/2023
上聯是是旦旦，下聯對到就對。諒。
回覆刪除（一）上聯：飄搖風雨群魔舞，喪心及萎
（二）上聯：矮仔志偉襯維尼，眼細肥胖
（三）上聯：煩心緒亂求寧靜
（四）上聯：開枝散葉摧不折
句一，「喪心及萎」意不明；句二，大部份不合對聯平仄，恕未能對。唔好意思，就對其餘二句吧 。
刪除出句：煩心緒亂求寧靜［貴］
對句：苦面眉愁未淡然［俠］
出句：開枝散葉摧不折［貴］
對句：斬棘披荊嚇未驚［俠］
精彩！
刪除第一聯上句末「喪心及萎」改為「由亂及萎」。如果對聯「7+4」組合不合法，就算了。只對「飄搖風雨群魔舞」吧。
第二聯上句「矮仔志偉襯維尼」確係唔合平仄格律；OK，我而家改為「志偉矮郎維尼襯」，得唔得？
七字聯的句式平仄有四式：
刪除（1）平平仄仄平平仄
（2）仄仄平平平仄仄
（3）仄仄平平仄仄平
（4）平平仄仄仄平平
頭二句是上聯，尾二句是下聯，可按作者需要選擇出上句還是下句。
更改後的「志偉矮郎維尼襯」（仄仄仄平平平仄）仍然未合上面任何一式的平仄。
===========
出句：飄搖風雨群魔舞［貴］
對句：動蕩山河百姓逃［俠］
不如咁啦：
刪除矮志偉維尼襯
藍肥媽胖虎陪
哈哈哈……
Too bad。我竟然將「尼」字當作仄聲，明明唱出來係平聲咖，「呢（伏呢呢個呢）、洱、Ⅹ、尼、你、膩」。第1、4分別係陰平、陽平！其餘仄聲。我都唔明點解搞錯。鬼揞耳。
刪除其實我寫呢4句上聯，係先上網睇下對聯有冇規則，見話最緊要「仄起平收」，即第一句末仄，第二句末平。其餘格律可鬆可緊。咁我就寫咗惡搞句「矮仔志偉襯維尼」，「維尼」兩字都係陽平，但我上聯「7+4」，未詞「眼細肥胖」的「胖」係仄聲，所以或算「仄起平收」，全句就咁試下出嘞。
我原想玩「志偉」「維尼」「細眼肥胖」「蘇玉華」，但「蘇玉華」的「華」係陽平，放在句末唔得，最後砌唔惦。哈。
其餘3聯按格律，有兩句借用你正文末段感嘆文字，按律移位，幾秒搞惦。最後一句搬我在網誌勉力試寫過嘅藏頭詩其中一句。又搞惦。
謝謝指點。
令狐兄可否將「志偉」「維尼」「細眼肥胖」「蘇玉華」砌出一句上聯呢？砌得出，都要諗埋下聯。哈。
我只係根據你的意思，度到下句，上句諗唔到。
刪除下句：志偉維尼，鼠目豬頭蘇玉華。
哈哈，都好。
刪除