【寓言】《杜撰成語故事》：迫馬變鹿
話說秦丞相趙高生前無惡不作，死後墮地獄。
趙高權慾薰心，死心不息求地獄判官賜官曰：「大人，高在秦為相，一招指鹿為馬，滿朝文武，莫敢異議，皇上亦由疑而信。以高此間白黑之才，如蒙賜一官半職以效犬馬之勞，大人豈非如虎添翼？」
官聞言，拍案怒曰：「一派胡言！指鹿為馬，雕蟲小技耳，何足自傲而弄斧於班門？本官審判凡朝廷不豫者，蓋以顛倒是非定論，譬若其示人以馬，斥之為指鹿為馬之謊言，俱予嚴懲。迫馬變鹿之懾信是前無古人，汝之指鹿為馬豈可及乎？」
高默然而退。
令狐少俠
16/12/2024
求末段語譯。我未跟得上這段的語理邏輯。（愧）
回覆刪除判官稱「指鹿為馬，雕蟲小技耳，何足自傲而弄斧於班門」，即係有前人（班門）搞個鋪更驚人的反白黑，是哪件？
「迫馬變鹿信是前無古人，汝之指鹿為馬能及乎？」既然前無「將馬變鹿」，高之「指鹿為馬」又何謂「及」？
又，「指馬為鹿」與「指鹿為馬」有顛倒白黑的分別嗎？
唔好意思呀，完文後不斷更改是我的習慣，Blog文貼出後幾經刪改，有些現已與原文不同。
刪除「弄斧於班門」，是「班門弄斧」的倒裝，話人在行家（更有可能係叻過自己的人）面前演嘢。個官是以班門自居。
刪除拙文所寫個官的說話，其意思大概係：「指鹿為馬」碎料咋喎，有乜咁叻要喺（威過你嘅）我面前賣弄呀？……「迫馬變鹿」呢招的威懾力係冇人有過喎，你嘅「指鹿為馬」比得上咩？
上面嗰啲就係我想表達嘅意思，純粹諗到乜就寫乜，冇諗過合唔合語理邏輯咁深入嘅問題。
===========
用「迫馬變鹿」，而唔用「指馬為鹿」，就係唔想同「指鹿為馬」冇乜分別。其實我想講嘅係，明明人哋嗰隻係馬，個官夾硬話唔係，反而指責人哋係指鹿為馬。我諗唔到更好、更滿意的語句去形容，唯有亂噏一句「迫馬變鹿」，嘿嘿。個人感覺在荒謬、無理的程度上，「迫馬變鹿」衰過「指鹿為馬」多多聲（明明係自己指鹿為馬，反咬人一啖）；所以才有個官自詡的「豈可及乎」，唔知有冇起到反諷作用？
不過，我無非是自娛而已，不用認真
原來班門者係指地獄判官，個判官比趙高更奸更黑！我仲以為趙高落得地獄，當然係不離受苦懲罰，判官會責究罪人，原來地獄更黑暗奸枉！呢個故仔唔解唔知咁恐怖，顛覆了地獄的傳統概念呢。
刪除末段補返一兩個特指或代詞便易明白。未知可否？
「何足自傲而弄斧於本官班門？本官審判凡朝廷不豫者，奉顛是倒非為判決，譬若其示人以馬，本官斥其指鹿為馬，其謊俱予嚴懲。迫馬變鹿信是前無古人，汝之指鹿為馬豈可及乎？」
貴兄，希望以下的補充，可以解答到你的問題。
刪除（1）不是說「樹大有枯枝，族大有乞兒」嗎？人間、天堂、地獄都一樣吧。
（2）「本官班門」，應該冇人咁用。
（3）「本官審判凡朝廷不豫者……豈可及乎？」這段的意思是：我審判被朝廷唔妥嘅人，會一律裁定佢哋係顛倒是非，就好似佢哋攞畀人睇嘅係馬，都要鬧佢哋係講緊指鹿為馬的大話一樣，嗰啲人全部要重判。迫馬變鹿嘅威懾力，應該冇人有過，你嗰招指鹿為馬比得上咩？
令狐兄，天堂有壞人就唔係天堂，勉強是《封神榜》下不三不四的「天庭」概念。地獄如果唔受苦，誰還怕落地獄（無論中西）？
刪除文言語法不容「本官班門」（本官之班門）？算，如果不成，請再想想。「本官」關鍵一詞先不表明，讀下去語義便有點古怪，蓋讀者難以想像判官（譬如閻羅王）原來並不公正，反而更黑更奸，有違常識，此所以我前帖問你前有班門者乃何人何事，正是不能想像「班門」竟是判官高調不謙的自指。
末段所有詞義不深澀，而在弄不清所指對象，所以愚以為，要補回「本官」及「其」，才易看懂幾個人物，即，另有班門者（？）、判官、趙高、朝廷不豫者，誰是不同詞義（示人以馬、斥之為指鹿、迫馬變鹿、指鹿為馬）下的受指者。比諸近日現實，有某法官作驚人判決，他也在判詞中宣稱自己公正、獨立這些高雅門面話，市民絕不會預期他坦白：「我最仆街，我係司法界邪惡魯班，吹牙！」對不對？
令狐兄愛寫詩詞對聯等，讀者只能賞，無力搭嘴，兄大可也寫其他文類，讓我們拜讀且問路。
回覆刪除唔寫其他文類，四字括之：技窮時窮。
刪除技窮，黔驢也。時窮，皆因言論自由，講、寫時有；講完、寫完後就冇……
在沒有言論自由的環境下，直議時事風險高，或許寫點散文，可曲可圓，至少讀者可拜賞可搭嘴，網誌有更多生氣。
刪除曹雪芹《紅樓夢》
回覆刪除滿紙荒唐言，一把辛酸淚，
都云作者痴，誰解其中味。
===========
假作真時真亦假，
無為有處有還無 。
「黑白分明」新詮釋：
刪除阿1、2、3、4、5、6、7、8……，有組織地用武器圍毆A、B、C……；ABC等自衛抵抗。
結果係：後者唔係自衛，係「挑釁襲擊」，暴動。
前者著「純潔白衣」，後者著「邪惡黑衣」，是為「黑白分明」。
怕令狐兄誤會我未懂欣賞你的抱負、識見，或同感你的哀樂，請容我此刻夜郎自大地表明，我自信明白你的心思。交流，我純粹在親賢人遠小人，縱或意見瑣碎，卻靠近賢人一步得一步，我是自我砥勵，兄莫怪我笑我。又過往常說，敝網誌帖文一字一標點倘有差謬，網友必須提醒我，讓我思考、修正。論文字，我一直在學習。謝謝令狐兄。
刪除貴兄，請放心，我沒有誤會你。
刪除選錄名著兩則金句，其實是想側面為拙文點題。過往我在敝Blog如「好文推介」、「引經據典」、「寓言」等欄目出貼文，都會加一段感言，聊以抒情或月旦。然而，時移勢易，往昔的理所當然已隨寒風而去，所以杜撰（俗語就係老作）拙文後，並無附加任何解釋或說明。發佈後卻覺略有所失，不斷在咬文嚼字上改來改去，總想有個合適方法點到即止其中意，結果才有了貼出名著金句並附以「黑白分明新詮釋」之舉。我信「心有靈犀」的人會明，貴兄應是其一，故請勿他想。
一如我在RoseMary 帖文留言所講：「貴兄的交流和留言，令我獲益良多，多謝多謝。一路走來與我相熟的Blog友僅餘兩位而已，無限唏噓……珍重珍重。」
回覆
少俠早晨﹗
回覆刪除尊誠拜訪🙏🙏， 聖誕新年快樂﹗ 一切如願﹗💗💗😁
RoseMary ，歡迎光臨。畀個新手機搞到一頭煙，現在才有時間睇到你的祝賀，多謝。也祝你聖誕快樂，新年進步，事事順利。
刪除新年快樂﹗ 萬事如意﹗💗💗
刪除大家咁話。
刪除事實， 剛看標題還以為是我不懂的成語， 看畢後似乎又有不同，
回覆刪除於是， 再三看後，根據我新香港人說法， 似乎「迫鹿為馬」比「指鹿為馬」性質更惡劣唄。
最後看到《杜撰》兩字， 才知道我又睇漏眼了😅
明唔明都好啦，你唔係土生土長的香港人咩？為乜要改認做「新香港人」啫？
刪除話明係杜撰即係老作，亦即係任我亂噏了。嘿嘿。
😁😁政府念念不忘一國兩制舊香港， 查實我們已變新香港的新香港人﹗
刪除嘿嘿﹗ 「杜撰」兩字唔係隨便噏ga，要由官員講先算﹗
刪除好膽。
刪除看了阿貴的留言， 無理由有會有疑惑ga﹖諗諗下， 可能都係高手過招的一種方法。🤪
回覆刪除各人的理解不同，有疑問唔出奇。
刪除再睇少俠幾篇貼文， 隻隻字有意思， 砌埋呢睇， 一舊雲， 我的留言簡直是廢噏😑
回覆刪除咁我亂噏都會有亂噏的意思嘅。唔同人自會有唔同睇法，你唔好再咁謙，話自己廢噏啦。
刪除其實我唔謙虛， 但有自知之明。😅
刪除